• FREE GLOBAL SHIPPING ON ORDERS OVER $60 USD

FREE GLOBAL SHIPPING ON ORDERS OVER $60 USD

Become an Official Jobedu Blogger?

Interested in writing about arts & design, music, travel, food or anything pop culture? Submit a sample of your work because we’d like to collaborate with the best writers to create the most entertaining blog out there!


شو ممكن تتعلم من ثقافة جوبدو؟
شو ممكن تتعلم من ثقافة جوبدو؟

شو ممكن تتعلم من ثقافة جوبدو؟

Posted Oct 3,2015
by Edmond Shami & Amal Hudhud
ثقافة جوبدو لعبت دور كبير بحياتي. من أول ما بديت مع جوبدو, وأنا كل يوم بتعلم اشي جديد, مع إنه في أوقات كان لازم أترك فيها جوبدو عشان الدراسة, بس علاقتي ب جوبدو عمرها ما وقفت, بلشت بداية متواضعة, اشتغلت جرسون ب كاملز باك كافيه, اللي بلَّشَته جوبدو ب 2011 ووقف ب 2012, بعدين اشتغلت مندوب مبيعات, وحالياً بساعِد جوبدو بالجانب الإعلامي
 
من وقت ما انضميت لجوبدو, تامر, المؤسس المشارك والمدير التنفيذي لجوبدو, كان متل أخوي الكبير, لعب دور كبير باللي أنا عليه حالياً, ساعدني أكتشف قدراتي وأستفيد منها, بالضبط متل ما بِعمَل مع كل فرد من عيلة جوبدو, الحلو إني بقدر أحكي معه بأي وقت وألتقي فيه بأي مكان, بنقدر نتناقش بمواضيع بتبلش بالاقتصاد وبتخلص ب شو أكلت مبارح, بأي موضوع شو ما خطر عبالنا, طبيعة العلاقة قائمة على المسخرة المتبادلة, هداك النوع اللي بريّح منها, وبخليك تحكي اي اشي عبالك
 
هلا بنط واحد بحكي وشو دخل اللي بتحكي فيه بثقافة جوبدو؟ ببساطة, اليوم الطبيعي ب جوبدو لا يخلو من فريق دايما بتناقش, بكل زمان, بكل مكان, بكل موضوع شو ما كان, ما في هديك البيروقراطية والرسمية في التعامل, اللي ممكن تخوّف حدا من أنه يعبّر عن رأيه أو فكرة عنده, وكل هاد بصب بمصلحة جوبدو, الفريق, وآخر اشي ممكن يهتم له كل واحد فيه مصلحته الفردية
 
شفت كتير من الناس اللي اتطوروا واتعلموا بسرعة بعد ما انضموا لعيلة جوبدو, كتير اكتشفوا قدراتهم بطريقة ما كانوا متخيلينها, واشتغلوا عليها لحتى صارت جزء لا يتجزأ من كل يوم بعيشوه, واللي أخدتهم لأبعاد تانية ما كانوا حتى مفكرين فيها, مثلاً بلال طلال, اللي هو حالياً من أفخم المطورين لشبكات الإنترنت, وأنا من الناس اللي لاحظت, كيف اتطورت قدراته بطريقة بتخوّف لحتى صار قادر يبني نظام أقل اشي ممكن ينحكى عنه إنه عبقري لجوبدو, واللي بالمناسبة أنا متأكد, أنه عنده القدرة لينافس دولياً
 
وعُريب, كانت معروفة بأنها البنت الخجولة اللي البس بياكل عشاها, هلا صارت محرّك مبيعات تيربو, كتلة حماس, من أكتر الناس اللي ممكن تقابلهم بحياتك اندفاع وطاقة وحيوية, متل اللي شارب خمسة ريدبول عالصبح, دايماً متحمسة وأول وحدة مستعدة وبدها تخلي الكل يعمل كل شي معها
 
قبل كم شهر, جريسو, محاسب بعيلة جوبدو, اقترح على تامر فكرة دوري كرة قدم, ومع أنه تامر عجبته الفكرة, بس اضطر يرفضها, عشان قسم المبيعات كان فوقاني تحتاني, بس جريسو كان مصمم ومآمن بأنه فكرة دوري كرة القدم أداة فخمة لتدعم تسويق جوبدو وحتى تتواصل مع جمهورها أكتر, فرتّب كل شي, وجهّز وزبّط, وجمَع وطرح, ورجع عند تامر, تامر حب الشغل والتعب لدرجة أنه كان صعب يرفضه هاي المرّة, وخلّا فريق التسويق يوّفر الدعم الكامل لجريسو, الفكرة بأنه أي حدا ممكن يقترح أي اشي بخطر عباله, مش شرط يكون علّامة بالموضوع, أهم اشي عنده فكرة ومآمن فيها لدرجة يقنع الكل باللي هو شايفه, وهاد اللي عمله جريسو.
شارك بالدوري أكثر من 20 فريق, بقدر أحكي أنه كان ناجح بامتياز, وحالياً شغالين عالجزء التاني
 
باختصار وإيجاز, وصفة جوبدو لثقافة صحيّة , بسيطة جداً: اعطِ كل واحد من الفريق المساحة ليعبّر عن حاله, عن أفكاره, وآرائه, خلّي مجال التواصل بين بعض مفتوح, ما تِهمل احتياجات الفريق وحاول قدر الإمكان تربطها بالشغل, لا تهمل طرف عن التاني, والنتيجة رح تكون مكان أي شخص بقدر يدوّر, يلاقي, ويطوّر قدراته فيه



Thumb
All comments need to be verified!
on 3/8/2017 12:00:00 AM
by Manar_Ayoubi
Some people say you cant have beauty and brains. But most women nowadays proved this wrong. ...

Read More..
on 2/2/2017 12:00:00 AM
by Manar_Ayoubi
Who among us﹣80s kids that is﹣doesnt remember Bassem and Rabab, the two characters who helped sha...

Read More..
on 1/12/2017 12:00:00 AM
by Manar_Ayoubi
They say in order to become a doctor, one of the main requirements is to have the worlds worst ha...

Read More..
on 8/24/2016 12:00:00 AM
by manar
10- Addis Skatepark (Addis Ababa, Ethiopia) This is the most recent ...

Read More..

LeaveaReplay

Primary button