• FREE GLOBAL SHIPPING ON ORDERS OVER $60 USD

FREE GLOBAL SHIPPING ON ORDERS OVER $60 USD

Become an Official Jobedu Blogger?

Interested in writing about arts & design, music, travel, food or anything pop culture? Submit a sample of your work because we’d like to collaborate with the best writers to create the most entertaining blog out there!


أكلنا شصي
أكلنا شصي

أكلنا شصي

Posted Sep 5,2015
by Amal Hudhud

بلشوا الشباب الطيبة يومهم متحمسين لسباق الريد بول!
وبلشت شيم وعريب من جهة وجمهور إجى خصيصاً للتشجيع يعيد وراهم من جهة ثانية (جو بدو ... أوو أوو )*100

ضلوا هيك أول خمسطعشر ساعة, بعدين زهقوا, ومن كتر الروح التعاونية التشاركية بلشوا يلفلفوا على سيارات المتسابقين وعلى نفس الموال بس مع تبديل كلمة *جو بدو*.. ليحسسوهم بالمؤازرة..

هلا كله كوم .. والمكتوب - على التيشرتات – مبيّن من عنوانه "أكلنا شصي" كوم ثاني. يعني مبينه, وااااضحة!

وفي مقابلات حصرية مع شيم وتامر, صرح الأستاذ تامر قائلاً " احنا لألله مستعدين .. وكتير متحمس على إنجازات الفريق بالسيارة اللي عملوها.. قلنا رح نسوي كوستر.. بس سوينا أكتر بكتير من هيك .."

وأكمل وهو يشعر بالفخر "احنا ما إجينا لهم بسيارة .. إجينا لهم بمبدأ.. طلبوا منا سيارة بتمشي على أربع رجال.. أعطيناهم الدنيا"..

ولمّا انسألوا عن الهدف من السباق,

شيم جاوبت بكل وضوح وبدون لف ودوران "الفوز بإذن الله", نط تامر وأضاف ناحية العمق للموضوع " لأ ..نغيّر مسار البشرية ..نغيّر مجتمع ..", ف شيم عاشت الجو وكملت "التأثير بكل زاوية بالمجتمع ..بكل شخص في المجتمع .. بدنا نلمس كتير ناس .. كتير قلوب ..كتير تفكير .. كله"..

وبالنسبة للي بميّز جوبدو عن غيرها وفقاً لتامر " اللي بميزنا عن الفرق التانية .. رح تشوفوه (أون ستيج/ جملة إنجليزية معناها على المسرح)..

طبعاً الشباب كانوا مغطيين السيارة لمدة تزيد عن سبع ساعات مشان الحسد و العين, كلمة ما شاء الله ما سمعوها! .. إجت اللحظة الحاسمة .. والشباب متحمسة وبرقصوا وما شاء الله عليهم .. كشفوا الغطا وبان المستور عن الماستر بيس المتوقعة .. لتظهر الحقيقة المرّة: شصي, كوم حديد, عجال زبالة, كراسي سامبا! .. طبعاً جريسو أكل قتلة نصها موت .. باعتباره المسؤول عن الماستر بيس .. قالوا الشباب ماشي .. كله بهون واحنا قدها ..

والله وركب تامر وجريسو .. وشكلهم نسيوا دعاء الركوب .. هووب فلت الستيرنج! عاااادي, ليش اصلا هي سيارة؟! أي إشي إلا سيارة .. زت الستيرنج وكمّل .. قبل أول لفّة الشباب بنكتوا (الفعل من ضرب بالبنكيت وفي رواية أخرى الرصيف) .. ومع ذلك ضلوا مصرّين .. جريسو كرفت وقام زي الأسد كملّها ركض, وتامر لحتى أستوعب الموضوع قام ولحقه, وأصبعه حاليا بوجعوا (سلامات)..

الشباب الطيبة اللي إجت شجعت كان وراها قصة ثانية .. قصة حب من أول نظرة "قصة حياتنا مع جو بدو .. كنا جايين فجأة هيك نلعب طابة ..فلقيناهم بنادوا (و جوبدو.. أوو أوو) .. بلشنا معهم ..عجبنا الطابق وعجبهم الوضع ..أخذونا .. وإجى سلعاوي قصدي سلعوس .. قلنا يلا على المحل نجيب بلايز ونعمل جو .. وقلنا له معك عل موت .. "..

"بالآخر منحب نحكي انه إلنا  شرف المحاولة, والحمدالله السباق مر بأقل أضرار ممكنة", وبمناسبة أنه الكل لسا عايش .. جابوا صدرين منسف واحد للي بيلتهموا بإيديهم, والتاني للطنطات اللي بعدها على المعلقة والصحن..

بنقدر نحكي يعطيكم العافية ما قصرتوا .. صحتين عالمنسف. صحتين عالشصي. 



Thumb
All comments need to be verified!
on 6/16/2017 12:00:00 AM
by Manar_Ayoubi
The holy month of Ramadan is all about getting together, celebrating each other and all the bless...

Read More..
on 12/1/2016 12:00:00 AM
by edi22
Christmas gifts are all what were thinking about lately, and getting the perfect gift for your lo...

Read More..
on 9/7/2016 12:00:00 AM
by manar
The dates have been marked and the wait is finally over! From the 1st till the 9th of September, ...

Read More..
on 8/11/2016 12:00:00 AM
by manar
Ever since 1896, when the Olympic games first started, and nations from all around the world took...

Read More..

LeaveaReplay

Primary button