توصيل مجاني للمشتريات بـ 60$ أو أكثر

Startup Band 2016
Startup Band 2016

Startup Band 2016

كتب في أيلول 12,2016
by Shiam Kheetan

150 موسيقي وموسيقية قدّموا, 50 انقبلوا, بيس, درمز, غيتارات, عود, كمان, اوكورديون والكثير الكثير من الاورغات.

 

50 موسيقي وموسيقية كان معهم أقل من 72 ساعة يتعرفوا على بعض, يشكلوا فرق موسيقية, يألفوا أغنية عربية, يتدرّبوا ويأدوها على المسرح قدام لجنة حكم وجمهور وإعلام.

 

التحدي كان 72 ساعة, بس فعليا الوقت كان كتير أقل من هيك, يعني أي فرقة عادية بحاجة 3 - 6 أسابيع تأليف وتدريب على أي أغنية, فتخيلوا كل هااااد بأقل من 72 ساعة!

لكن من حسن حظهم كان معهم مرشدين خطوة بخطوة, مش أي مرشدين, علم وخبرة وفن: سري العدل, يزن الروسان, كريس مولندر, أحمد فرح وعدي شواقفة.

 

بالآخر طلع 8 فرق , اتدربوا مع بعض لمدة يومين, كل التدريبات كانت بمنصة زين للإبداع, مكاتب جوبدو ويعني بتقدروا تقولوا بكل مجمع الملك حسين للأعمال. طعّة وقايمة, ليخة, كل طبقات الصوت اللي بتتخيلوها بتسمعوها, كل أنواع الموسيقى, كل الآلات, اجا فوكاليست, شلّف فوكاليست, دوّر عا فوكاليست! كل هاي الميمعة ضلّت مستمرة من أول يوم لحد ما طلعت أول فرقة عالمسرح.

 

نور الفايز, أحد مؤسسي "فيشة: مستودع الموسيقى" وأحد منظمي ستارتب باند, نظمت لقاءات موسيقية وقعدات عزف كتيرة حتى تعرّف موسيقيين على بعض ويقدروا يقدمولنا موسيقى فخمة. هاد الايفينت أخد معها تجهيز بحدود ال 4 أشهر "كلشي كان زي السحر, في أشياء زبطت بآخر ساعة ونص ساعة". خلال هدول ال 3 أيام, نور همها الوحيد كان انه كل الموسيقيين يطلعوا عالمسرح بدون مشاكل ويقدروا يفرجوا الناس موهبتهم الحقيقية.

 

فعليا المسرح تفجّر بالموسيقى الرائعة, بالشغف, وبالمواهب من عمر 15 ل 30.

3 من هاي الفرق وصلوا للمرحلة النهائية, والتصويت هلا شغّال ليوم 13 أيلول عالفيسبوك حتى يتحدد الفايز لهاي السنة.

 

شكر كتييير كبير من جوبدو لكل شخص ساهم بترتيب وتنظيم هيك ايفينت وخلانا نتعرف على أروع المواهب الموسيقية المحلية.   

 



Thumb
All comments need to verified!
on 18/03/2017 12:00:00 ص
ما وراء الكون
بقلم shiam
للسنة الثالثة على التوالي جوبدو بتشارك بأكبر حدث للكوميكس بالوطن العربي: كوميك كن! Middle East Fi...

إقرأ المزيد
on 08/03/2017 12:00:00 ص
بطلة الملاكمة وفنون القتال: عريفة بسيسو
بقلم Manar_Ayoubi
كل سنة في تاريخ 8 آذار بحتفل الكوكب بيوم المرأة العالمي، وكل سنة احنا في جوبدو منحب نعرفكم على ام...

إقرأ المزيد
on 10/02/2017 12:00:00 ص
بر بحر جو
بقلم Manar_Ayoubi
بر بحر جو، آخر كولكشن من جوبدو. من البراري الشاسعة، أعماق البحار، وسابع سما منقدملكم كو...

إقرأ المزيد
on 02/02/2017 12:00:00 ص
باسم ورباب
بقلم Manar_Ayoubi
الأسبوع الماضي، العالم العربي خسر موهبة من أهم المواهب اللي شكلت جزء من طفولتنا، وبالأخص مواليد ا...

إقرأ المزيد

LeaveaReplay

Primary button