توصيل مجاني للمشتريات بـ 60$ أو أكثر

حابب تصير تكتب على مدوّنة جوبدو؟

مواضيعنا تتمحور حول الفن، التصميم، الموسيقى، السفر، الأكل وأي إشي بتعلّق بثقافتنا بشكل عام. إذا بتلاقوا حالكم عندكم موهبة الكتابة عن المواضيع هاي، ابعتولنا اشي من شغلكم عشان بدنا نقدّم محتوى يكون الأفخم على الإطلاق!


مطعم بيتزا في عمّان - عِلمٌ أم فنّ؟
مطعم بيتزا في عمّان - عِلمٌ أم فنّ؟

مطعم بيتزا في عمّان - عِلمٌ أم فنّ؟

كتب في آب 16,2016
بقلم Ghazal Hasan

اذا كنتوا من هواة البيتزا، مستحيل ما تكونوا بتعرفوا عن أحسن مكان بقدّم بيتزا في عمّان! 

 

ياخي بتحسّ انه البيتزا هناك تنحدر من أصول عريقة و الها احترامها الخاصّ، و في كل مرّة بينفتح فيها باب المحّل، تُدّق قزايز المشروبات الغازية على الطاولات، و تمزّق الشوك و السكاكين أكفانها المصنوعة من أجوَد أنواع الفاين اللذيذ!

لحظة، الفاين اللذيذ؟ طبعاً لذيذ! طالما رح يتطلخ بصلصة الألفريدو الممزوجة بالفطر السحري و الدجاج المنحدر من أرقى العائلات الحاكمة في العالم البقبقيقي! 

 

أما البيتزا اللي حيكنا عنها، عالم ثاني، بتعرفوا انه العلماء اللي دايماً بختلفوا على تصنيف الأشياء اذا كانت علم أم فنّ، كلهم أجمعوا على انه البيتزا تاعتهم علم و فنّ في آنٍ واحد! أو عالأغلب صينية وحدة..

 

ف من الناحية العلمية

 

البيتزا هاي فيها امتزاج ثقافات، امتزاج مشاعر، امتزاج أفكار، امتزاج إف إم! تن ترارارا تن تن.. ف يتكون طبق البيتزا من عدّة شرائح، و كل شريحة تعتبر وطن، وطن بأكمله.

 

أما من الناحية الفنّية، 

عزيزي اللي -شطّت ريالته-

فالبيتزا عندهم من فوق لوحة فنّية، و من الجنب، تضاريس مدروسة، مكونّة من جُزُر الفلفل الحيليو، و بحار من صلصة البندورة، تلال من الفطر و هِضابٌ من الزيتون، و الجبنة، آخ الجبنة، فنّ والله فنّ! 

 

هذا المزيج من العلم و الفنّ ما بتلاقوه إلّا بمحل واحد، ع طريق الباعونية، لتحت شوي، عاليمين، أوليڤا.. هون عندك لو سمحت.

 

 



Thumb
سوف يتم التأكد من كل التعليقات قبل النشر

LeaveaReplay

Primary button