توصيل مجاني للمشتريات بـ 60$ أو أكثر

شارع الثقافة
شارع الثقافة

شارع الثقافة

كتب في تموز 9,2016
by Shiam Kheetan

شو بيخطر على بالك بس تسمع كلمة "ثقافة"؟ هاي الكلمة عند كل جيل إلها معنى شكل. على سبيل المثال, "ثقافة الشارع" كان إلها معنى جدا سلبي في عمّان لحد سنة 2006/2007.  

 

المضحك في الموضوع انه هاي النظرة السلبية أول اشي طلعت في "شارع الثقافة" في الشميساني, اللي الهدف منه كان تجمّع "الثقافة" بمعناها الكلاسيكي, يعني الكتّاب, الأدباء, الفنانين, الشعراء وكذا. لكن ما صار زي ما كان متوقّع انه يصير, صار تجمّع من نوع آخر وانتشرت ثقافة من نوع جديد.

 

أول اشي اجو فنانين الجرافيتي, وعبّوا الدنيا جرافيتي, خصوصا منطقة المعارض الفنية, بعدين اجو المتزلجين على ألواح التزلج اللي لقوا هاد الشارع المساحة الصح ليمارسوا التزلج: أرضيات رخام طولية, درجات, منحدرات, كله. وبعديهم بفترة بلّش مشهد الهيب هوب بعمّان يبيّن أكتر وأكتر في شارع الثقافة.

 

الشرطة أبدا ما كانوا متحمسين عاللي عم بصير, كل يوم يطرّوهم من الشارع, لأنه أبدا مش هاي هي "الثقافة" اللي كان بدهم اياها بشارع الثقافة. كل الشباب كانوا ينطردوا كل يوم, بس كانوا يردوا يرجعوا كل يوم, لأنه صار عندهم حس انتماء لهاد الشارع اللي كانوا في يعبروا عن نفسهم وعن فنهم, حسّوا انه في ثقافة جديدة عم تطلع وهم مسؤولين عنها.

شوي شوي, هاي "الثقافة" الجديدة صار إلها جمهور, كتار صاروا ييجوا يتفرّجوا, يحضروا ويشاركوا كمان.  

 

ومن هاد الشارع طلعت أفخم انتاجات الثقافة الحديثة في الاردن وفي الوطن العربي: محمد زكريا وشركة فيلادلفيا لألواح التزلج, عامر الطاهر والمختار, زوكا زين و فرقة Middle Beast , وكتيييير مواهب تانية كانت معهم عالشارع وشافتهم وحسّت بشغفهم وطاقتهم.

بشهر تموز 2016, احنا بجوبدو رح نخصص هاد الشهر لتكريم وتسليط الضو على كل ابداعات وجهود ومواهب شارع الثقافة اللي فتّحوا عيونا على ثقافة جديدة وشغف جديد.

شكرا جزيلا.  

 



Thumb
All comments need to verified!
on 18/03/2017 12:00:00 ص
ما وراء الكون
بقلم shiam
للسنة الثالثة على التوالي جوبدو بتشارك بأكبر حدث للكوميكس بالوطن العربي: كوميك كن! Middle East Fi...

إقرأ المزيد
on 08/03/2017 12:00:00 ص
بطلة الملاكمة وفنون القتال: عريفة بسيسو
بقلم Manar_Ayoubi
كل سنة في تاريخ 8 آذار بحتفل الكوكب بيوم المرأة العالمي، وكل سنة احنا في جوبدو منحب نعرفكم على ام...

إقرأ المزيد
on 10/02/2017 12:00:00 ص
بر بحر جو
بقلم Manar_Ayoubi
بر بحر جو، آخر كولكشن من جوبدو. من البراري الشاسعة، أعماق البحار، وسابع سما منقدملكم كو...

إقرأ المزيد
on 02/02/2017 12:00:00 ص
باسم ورباب
بقلم Manar_Ayoubi
الأسبوع الماضي، العالم العربي خسر موهبة من أهم المواهب اللي شكلت جزء من طفولتنا، وبالأخص مواليد ا...

إقرأ المزيد

LeaveaReplay

Primary button