توصيل مجاني للمشتريات بـ 60$ أو أكثر

أفخم 5 محلات بجبل اللويبدة
أفخم 5 محلات بجبل اللويبدة

أفخم 5 محلات بجبل اللويبدة

كتب في أيار 18,2016
by Shiam Kheetan

لمّا بلشنا سنة ال٢٠٠٧ ، من أهم الاشياء اللي كنا ومازلنا مهتمين فيها هي انه نورجي  للعالم الوجه الفني المبدع لمدينتنا عمّان.

ممكن عشان هيك أوّل مكان نصبنا خيمتنا فيه هو جبل اللويبدة، أول محل لقبيلة جوبدو سنة ٢٠٠٩.

 

اطلعوا من العبدلي, امشوا بالشوارع الضيقة واوصلوا على دوّار باريس، رح تعرفوا بالضبط عن شو عم نحكي وليش نقينا جبل اللويبدة بالذات.

 

 

اللي إله عالفن وبعتبر حاله شخص فنّان ذو أحاسيس مرهفة، ما إله غير اللويبدة. هاي المنطقة تتميز بالمحلات البسيطة المتواضعة الفريدة من نوعها:

 

 

١.  مقهى رومي
أطلق عليه هاد الاسم نسبة للشاعر والمتصوّف الفارسي جلال الدين الرومي. هاد المقهى من أروق المحلات في اللويبدة. عندك شغل أو حاب تقرأ كتاب، جيب أغراضك، أطلب قهوة أو شاي واستمتع بأحلى أنواع الموسيقى وادعيلنا!

 

 

٢. فيروز
أقدم باتيسيري ومحل حلو باللويبدة. بالضبط قبال مقهى رومي. اللي ما داق الكلير من فيروز, كتييير غلطان!
 

٣.  تشابلينز
غير انه مكان خرافي إنكم تقعدوا فيه انتوا والشلة وتتسلّوا، تشابلينز هو من أفخم ال Comedy Clubs بالأردن وبالمنطقة كمان، كوميديين من كل العالم قدّموا عروض رائعة فيه.
حابّين تتسلوا وتضحكوا للأبد، جمّعوا بعض وانطلقوا على تشابلينز!

 

٤.  فن وشاي
هدول الجماعة تعبانين عالديكور مزبوط! فن وشاي هو المكان الأروع لتشرب أي نوع شاي بخطر عبالك، وتقرأ أي كتاب، بأي لغة، وعن أي موضوع بالعالم، وعالأغلب رح تحضر معرض فنّي بنفس الوقت!  

 

٥.  دارة الفنون
تجمّع كل أنواع الفنانين! مغناطيس الفن والابداع بجميع أشكاله وخصوصًا الفن المعاصر.
فيه كمان مقهى خفيف لطيف ومطلّ على أحلى مناظر عمّان.  

عفكرة، حتى اللي ما إله عالفن والموسيقى، مش منطقي ما يحب اللويبدة.



Thumb
All comments need to verified!

.

thumb

Tamer Jarajreh أيار 19,2016 /

W 6. JOBEDU

on 18/03/2017 12:00:00 ص
ما وراء الكون
بقلم shiam
للسنة الثالثة على التوالي جوبدو بتشارك بأكبر حدث للكوميكس بالوطن العربي: كوميك كن! Middle East Fi...

إقرأ المزيد
on 08/03/2017 12:00:00 ص
بطلة الملاكمة وفنون القتال: عريفة بسيسو
بقلم Manar_Ayoubi
كل سنة في تاريخ 8 آذار بحتفل الكوكب بيوم المرأة العالمي، وكل سنة احنا في جوبدو منحب نعرفكم على ام...

إقرأ المزيد
on 10/02/2017 12:00:00 ص
بر بحر جو
بقلم Manar_Ayoubi
بر بحر جو، آخر كولكشن من جوبدو. من البراري الشاسعة، أعماق البحار، وسابع سما منقدملكم كو...

إقرأ المزيد
on 02/02/2017 12:00:00 ص
باسم ورباب
بقلم Manar_Ayoubi
الأسبوع الماضي، العالم العربي خسر موهبة من أهم المواهب اللي شكلت جزء من طفولتنا، وبالأخص مواليد ا...

إقرأ المزيد

LeaveaReplay

Primary button