}

توصيل مجاني للمشتريات بـ 60$ أو أكثر

فيلادلفيا: أول براند عربي للتزلج
فيلادلفيا: أول براند عربي للتزلج

فيلادلفيا: أول براند عربي للتزلج

كتب في آب 22,2016
بقلم Shiam Kheetan

محمد زكريا كان عمره 10 سنين بس اجاه "سكيت بورد" هدية. اتعلّم يركب عليه, وضل يلعب ويتعلم عليه لحاله لحتى صار عمره 16 سنة.
"لمّا كان عمري 16 17 صار في انترنت, وصرت أحضر فيديوهات واكتشفت انه مش بس الواحد بركب السكيت, في حركات, وصرت أتعلّم هاي الحركات بحديقة بيتنا والجيران يضلّوا يطلعوا يبهدلوني".

 

عالانترنت, زكريا اتعرّف على شب زيه كتيير بحب ومهتم بال skateboarding اسمه محمد بركات, ساكن بالشميساني "كنّا نقعد نخترع ونبني ramps في بيته, بس كله يخرب ويتكسّر, بعدين صرنا نطلع ندوّر على أماكن بتزبط للسكيت".

 

بال 2003 بلّشوا يبنوا شارع الثقافة "كان أعظم اشي بالعالم! أرضيات رخام, مقاعد طويلة, مساحات طولية, بلازا ممتازة. كانوا العمّال والمهندسين بالموقع يكحشونا, بس بالآخر زهقوا منّا".

 

بنفس السنة صار أول ايفينت ل Red Bull Skating: Local Hero, بهاد الايفينت زكريا وصحابه اكتشفوا انه في شلة كبيرة,مش بس تنين تلاتة, أبو 15 20 واحد سكيترز, تلاتة وصاروا كلهم مع بعض crew.

 

بال 2008 جوبدو اتعرفت على زكريا بالصدفة, كان واحد من مؤسسي جوبدو, تامر المصري, يشوفهم من مكتبه بالشميساني وهمة عم بتزلجوا ومرة قرر يروح ويحكي معهم ويتعرف عليهم. بعد فترة كان في مهرجان Black Iris وكانت جوبدو مشاركة في وكان المفروض زكريا وصحابه "السكيترز" يعملوا زي عرض للناس, وقتيها جوبدو ساعدوهم يبنوا منحدرات وهيك زي درجات بتساعد عالتزلج.

 

"طول عمري كانت فكرة Skate Shop وبراند عربي للسكيت ببالي, لأنه مافي هون اشي زي هيك, بس ما عمري أخدت خطوة بالموضوع, لبين ما اجا شب هنغاري واقترح علي الفكرة ومشينا فيها وبلّشنا Philadephia Skateboards".

 

"رامي عفيفي كان أول فنان منعمل معه شغل, وأول مجموعة سكيت بوردز انباعوا بعمّان وبيروت, وبعديها فيلادلفيا دخلت دبي كمان".

 

سنة ال 2010, صار معرض City Language للسكيت بوردز اللي كان الهدف منه ترويج ثقافة الشارع ودعم الفنانين المحليين, وهيك اتعرّف زكريا على مجموعة فنانين جداد من أهمهم مثنى حسين.

"بال 2012 صارت مع شركة فيلادلفيا مشاكل ضريبية عقّدتني من كل اشي اسمه بزنس واضطرينا انوقّف الشركة, قلت لحالي خلص أنا زلمة ما إلي بالبزنس, إلي بس عالسكيتينج, لحد ما اتعرّفت على آرني من منظمة Make Life Skate Life".

 

هاي المنظمة مهتمة بمساعدة ودعم مشهد السكيتيج بالعالم عرفوا عن زكريا وحكوا معه مشان يعملوا سكيت بارك في عمّان.


"كنا أوّل اشي بدنا نروح على شركات ونطلب منهم يكونوا رعاة للمشروع بعدين قلنا منعملها من المجتمع للمجتمع أحسن, على طريقة ال Crowdfunding, كان المفروض نجمّع 18 ألف دولار, بس وصلنا لل 26 ألف دولار. وبالتعاون مع أمانة عمّان الكبرى ومتطوعين من اوروبا متخصصين ببناء سكيت بارك, بنينا 7 Hills Skate Park في حديقة سمير الرفاعي ".

7Hills Skate Park عملت ضجة وكتير ناس اهتمّوا فيها, وصاروا الناس من كل العالم يحكوا مع منظمة Make Life Skate Life مشان يعملوا نفس التجربة بمدن تانية, زي بيت لحم وأديس أبابا, اللي زكريا راح شارك فيهم كمتطوّع ليساعد في بناء سكيت باركس.

"7Hills Skate Park رجّعتلي الأمل بفيلادلفيا كأول براند عربي للسكيت, وهينا رجعنا عالاسواق!".



Thumb
سوف يتم التأكد من كل التعليقات قبل النشر
Become Writer

حابب تصير تكتب على مدوّنة جوبدو؟

إقرأ المزيد
on 22/05/2017 12:00:00 ص
بقلم shiam
حديثنا اليوم عن بطل، عن أسطورة، عن قدوتنا جميعا كبار وصغار في العالم العربي: جرندايزر. ...

إقرأ المزيد
on 08/03/2017 12:00:00 ص
بقلم Manar_Ayoubi
كل سنة في تاريخ 8 آذار بحتفل الكوكب بيوم المرأة العالمي، وكل سنة احنا في جوبدو منحب نعرفكم على ام...

إقرأ المزيد
on 02/02/2017 12:00:00 ص
بقلم Manar_Ayoubi
الأسبوع الماضي، العالم العربي خسر موهبة من أهم المواهب اللي شكلت جزء من طفولتنا، وبالأخص مواليد ا...

إقرأ المزيد
on 12/01/2017 12:00:00 ص
بقلم Manar_Ayoubi
مش كل الدكاترة خطّهم بخزي. حكم الدويري على سبيل المثال، دكتور بالنهار، وفنّان بالليل. أو...

إقرأ المزيد

LeaveaReplay

Primary button