توصيل مجاني للمشتريات بـ 60$ أو أكثر

فريق اللاجئين الاولمبي: الأفخم على الإطلاق!
فريق اللاجئين الاولمبي: الأفخم على الإطلاق!

فريق اللاجئين الاولمبي: الأفخم على الإطلاق!

كتب في آب 11,2016
by Shiam Kheetan

اتعرّفوا على أفخم اشي صار ب 2016: فريق اللاجئين في الألعاب الاولمبية - ريو 2016.

 

10 رياضيين, 10 لاجئين من 4 دول مدمرة.

لأول مرة في التاريخ, فريق لاجئين بشارك بالالعاب الاولمبية, جنسيات مختلفة, هويات مختلفة, ديانات مختلفة ,لون بشرة مختلف, بتجمعهم بس مأساة التهجير واللجوء.

"كل قصصهم حزينة بشكل مش عادي, لكنها بتعطي أمل لكل لاجئ بالعالم", هاي كانت الفكرة عند اللجنة الاولمبية بس شكّلوا هاد الفريق.  

 

السبّاحة يسرى مارديني, هربت هي وعيلتها من سوريا بقارب من تركيا لألمانيا, أنقذت قارب من الغرق. رحلتها أخدت 29 يوم حتى توصل لألمانيا و تستقر هناك.

 

5 عدّائين من جنوب السودان, سكان واحد من أكبر المخيمات في كينيا, هربوا من الحروب الأهلية الي استمرت عشرات السنين وراح فيها ضحايا بالملايين.

 

رامي أنيس, سبّاح 100 متر فراشة, هرب من قلب المأساة في حلب, لتركيا, وبعدين ألمانيا وهلا عايش في بلجيكا.

 

يوناس كيندي, 36 سنة,عدّاء ماراثون , ترك اثيوبيا بعد ما صارت الحياة خطر ومستحيلة.

حاليا عايش بلوكسمبورغ, وبشتغل سائق تكسي حتى يقدر يدفع تكاليف الحياة والتدريب.

 

بوبولي ميسينغا ويولاندا مابيكا, لاعبين جودو من جمهورية الكونغو, اكتشفوا لعبة الجودو في مركز للأطفال النازحين في البرازيل بعد ما هربوا من كل القتال بالكونغو. أول تدريباتهم بالمركز كانوا يتعرّضوا للعنف ومرات يتحرموا من الاكل اذا بخسروا.

 

هدول ال 10 مشاركين, عالأغلب ما رح يحرزوا نتائج عالية كتير, لأنه بسبب المعاناة والحروب ما قدروا يتدربوا زي الباقيين, لكن وجودهم دليل كافي انه بالشجاعة والإرادة كل اشي بصير.


تحية من قلب القبيلة لكل لاجئ بالعالم!



Thumb
All comments need to verified!
on 18/03/2017 12:00:00 ص
ما وراء الكون
بقلم shiam
للسنة الثالثة على التوالي جوبدو بتشارك بأكبر حدث للكوميكس بالوطن العربي: كوميك كن! Middle East Fi...

إقرأ المزيد
on 08/03/2017 12:00:00 ص
بطلة الملاكمة وفنون القتال: عريفة بسيسو
بقلم Manar_Ayoubi
كل سنة في تاريخ 8 آذار بحتفل الكوكب بيوم المرأة العالمي، وكل سنة احنا في جوبدو منحب نعرفكم على ام...

إقرأ المزيد
on 10/02/2017 12:00:00 ص
بر بحر جو
بقلم Manar_Ayoubi
بر بحر جو، آخر كولكشن من جوبدو. من البراري الشاسعة، أعماق البحار، وسابع سما منقدملكم كو...

إقرأ المزيد
on 02/02/2017 12:00:00 ص
باسم ورباب
بقلم Manar_Ayoubi
الأسبوع الماضي، العالم العربي خسر موهبة من أهم المواهب اللي شكلت جزء من طفولتنا، وبالأخص مواليد ا...

إقرأ المزيد

LeaveaReplay

Primary button